Է. Սուքիասյանի գլխավորությամբ FlyOne Armenia-ի պատվիրակությունը մասնակցել է Ֆարնբորոյի միջազգային ցո

Է. Սուքիասյանի գլխավորությամբ FlyOne Armenia-ի պատվիրակությունը մասնակցել է Ֆարնբորոյի միջազգային ցուցահանդեսին SIL Capital-ի խորհրդի նախագահ, FlyOne Armenia-ի համահիմնադիր Էդուարդ Սուքիասյանը FlyOne Armenia-ի պատվիրակության հետ միասին մասնակցել է Ֆարնբորոյի միջազգային ավիացիոն ցուցահանդեսին: Այս իրադարձությունն աշխարհի ամենահեղինակավոր ավիատիեզերական և պաշտպանական ոլորտի միջոցառումներից մեկն է։ Այն անցկացվում է Մեծ Բրիտանիայի Ֆարնբորո քաղաքում և համարվում է այն հարթակը, որտեղ ձևավորվում են համաշխարհային ավիացիայի առանցքային միտումները։ Է. Սուքիասյանը հայտնել է, որ միջոցառման ընթացքում Flyone Armenia-ի և CFM International-ի միջև ստորագրվել է չորս LEAP-1A շարժիչների ձեռքբերման վերաբերյալ փոխըմբռնման հուշագիր: «Այս համաձայնագիրը փաստում է, թե ինչ կարևոր ու մեծ ճանապարհ է անցել FlyOne Armenia-ն և որքան հավակնոտ են ընկերության ապագայի ծրագրերը։ Ավիաընկերության զարգացումը պահանջում է համբերություն, կշռադատված որոշումներ և ճիշտ գործընկերներ։ Այս համադրությունը մեզ ավելի ու ավելի է մոտեցնում ավիաընկերության այն տեսլականինը, որ ի սկզբանե մտադրվել էինք կառուցել»,-նշել է SIL Capital-ի խորհրդի նախագահը: Լինելով ավիացիոն աշխարհում ամենախոշոր միջոցառումներից մեկը` Ֆարնբորոն համախմբում է ավիաընկերությունների ղեկավարներին, արտադրողներին, լիզինգային ընկերությունների, օդանավակայանների, կառավարությունների ներկայացուցիչներին և ներդրողներին: «Ֆարնբորոյից վերադառնում եմ հանդիպումների ու քննարկումների արդյունքներով տպավորված և Flyone Armenia-ի հետագա աշխատանքի նկատմամբ մեծ վստահությամբ»,-հավելել է Է. Սուքիասյանը: Յուրաքանչյուր հաջորդ քայլով FlyOne Armenia-ն ամրապնդում է կայուն առաջընթացն ու բարձր վարկանիշն ավիացիայի աշխարհում: