Եղիսաբեթ Մովսիսյան

Եղիսաբեթը Ֆինանսաբանկային ոլորտում ունի ավելի քան 30 տարվա աշխատանքային փորձ, որի ընթացքում ձեռք է բերել արժեքավոր գիտելիքներ և հմտություններ ինչպես հանրային, այնպես էլ կորպորատիվ կառավարման ասպարեզում։ Նա իր մասնագիտական ուղին սկսել է Հայաստանի Կենտրոնական բանկում, որտեղ, զբաղեցնելով տարբեր ղեկավար պաշտոններ, հասել է ֆինանսական կազմակերպությունների վերակառուցման Ծառայության ղեկավարի պաշտոնի, որի հիմնական գործառույթը ֆինանսական կազմակերպություններում ճգնաժամային խնդիրների հանգուցալուծման համար վերակառուցման ծրագրերի կազմումն ու անհրաժեշտության դեպքում կիրառումն է։ Այս պաշտոնում նա ներգրավված է եղել և ղեկավարել է մի շարք նախագծեր համաշխարհային բանկի և այլ միջազգային կառույցների հետ: 
Կենտրոնական բանկում իր գործունեությունից հետո Եղիսաբեթը տեղափոխվել է մասնավոր ոլորտ և 2024 թվականին միացել է «Սիլ Կապիտալ» ՍՊԸ-ի թիմին՝ ստանձնելով գործադիր տնօրենի պաշտոնը։ Նրա դերը ներառում է շահագրգիռ կողմերի հարաբերությունների կառավարումը, տեղական և միջազգային գործընկերների հետ նոր նախագծերի նախաձեռնումն ու զարգացումը, նորարարության խթանումը, ռիսկերի կառավարումը և կազմակերպության ներսում տաղանդների բացահայտումը` կայուն աճ և երկարաժամկետ հաջողություն ապահովելու համար:
2020թ. Եղիսաբեթը ստացել է մագիստրոսի աստիճան բիզնեսի կառավարման ոլորտում (MBA) Շեֆֆիլդի համալսարանից, որտեղ նա ընդլայնել է իր ակադեմիական գիտելիքները բիզնեսի և ֆինանսների կառավարման ոլորտներում։